Denke nicht so oft an das, was dir fehlt, sondern an das, was du hast.
- Marc Aurel

Kontakt

Schëfflenger Jugendhaus
10, avenue de la libération
L-3850 Schifflange

Telefon am Jugendhaus: +352 26 53 08 50

 

Equipe

 

Jacques Welter

No 20 Joer an der Heemerzéihung sin ech 2004 vum schëfflenger Jugendhaus engagéiert gin, fir mat un der Konzeptgestaltung wéi och un hirer Emsetzung mech ze bedeelegen. Wéi dun 2006 weider Personal angestallt gin ass an opgrond vun menger Erfahrung ass mir d’Aufgab vun der Koordinatioun vun den Arbechten am Jugendhaus zougedeelt gin. Seit Ufang den 90er Joeren huet sech lues an lues déi systemesch Erliewnispädagogik zu mengem beviirzugtem Arbechtsfeld entweckelt.

No menger Ausbildung zum Erzéiher hun ech 2003 eng Ausbildung zum Erliewnispädagog bei Planoalto an der Schweiz an du 2006 eng Weiderbildung zum systemeschen Naturtherapeut erfollegraich ofgeschloss. 2008 hun ech eng Weiderbildung als Antigewalt- an Deskalatiounstrainer ugefangen. Den Haaptfokus an mengem Arbechtsfeld gesin ech seit Ufang am sozialen Sektor an der Arbecht um Mensch, ennerstetzen vun der Entwecklung vun der Reifheet.

Meng Interessengebieter sin nirwend dem Sport am allgemengen haaptsächlech Natursportarten wéi: Sportkloteren um Fiels (seit 1983, hun Ufang der 90er Joeren Wettkampfkloteren bedriwen op nationaler (4 x Landesmeeschter) an internationaler Ebene) Trekking, Kanu, Snowboard, Mountainbike, Alpinismus,... Op Verbands- an Klubebene war ech 15 Joer täteg an hun mech do enneranerem em d’Ausbildung vun den Moniteuren bekemmert. Donirwend Liesen ech gären (vum Roman bis zu Fachliteratur zu den verschiddensten Beraich.

 

Janine Smith

Moien, mäin Numm ass Janine Smith. Ech wunnen zou Palzem, dat ass e klengt Duerf an Däitschland, direkt un der Grenz zou Lëtzebuerg.

2005 hunn ech meng Première op enger Commerce Schoul gemaach. Dono hunn ech 4 Joer op "der Universität des Saarlandes", Musek, Konscht an Däitsch studéiert.

2009 hunn ech da meng Ausbildung fir Educatrice op der "St. Helena Schoul" ze Treier ugefaangen an 2012 mäin Ofschloss gemaach.

Zënter 2012 schaffen ech am Schëfflenger Jugendhaus wat mech wierklech freet, well mir hei niewent dem Accueil och vill verschidden Projet'en mat de Jonken duerchfeieren, haaptsächlech an der Natur. Dat ass och eent vu mengen Hobbyen, vill an der Natur ënnerwee sinn, op ze Fouss oder mam Vëlo. Ech beschäftege mech ganz gär mat Planzen a Kraider. 

Doniewent ziele liesen, kënschtleresch Tätegkeeten awer virunallem d ' Musek zou mengen Hobbyen. Ech spillen vill verschidden Instrumenter a sangen ganz gären.

 

Sarah Colignon

Hallo, ech sinn d'Sarah an schaffen säit  September 2014 hei am Jugendhaus. Ech hun mäin "Bachelier en Education spécialisée en accompagnement psycho-éducatif" am CPSE zu Leck gemach. A menger Fräizäit liesen ech gären an machen Yoga. Ech ginn och vill op Konzer'en an probéieren och esou vill wei méiglech ze reesen. Am Wanter sinn ech gären an d Bierger a fueren Snowboard.

 

Patrick De Oliveira

Den 1. Mäerz 2018 sinn ech als Spezialiséierten Erzéier an der Psycho-pädagogescher Begleedung am Kader vum “Outreach Youth Work” vum Schëfflenger-Jugendhaus engagéiert ginn. An säit September sinn ech o als Jugendhaus Aarbechter am Haus aktiv.

Ech hunn zu Bréissel op der Heischscheoul „HE2B Defré“ studéiert. Wou ech o d'Geleeënheet hat National an Interkontinental Stagen ze absolvéieren.

Virun dësen Studien hat ech hei zu Lëtzebuerg een Diplome de Technicien en division administrative et commerciale erfollegräich ofgeschloss. Un deen ech nach 2 Joer drun gehaangen hunn, wou ech Gestioun an Economie op der Uni Lëtzebuerg studéiert hunn.

No deenen 2 Joer hunn ech komplett d'Richtung gewiesselt an sinn Fräiwëlleg 3 Joer op den Bau schaffen gaangen, éiert ech zum Entschloss komm sinn meng Studien am Sozialen Beräich unzefänken.

Natur an Sport hunn mech ëmmer duerch mäin Liewen begleet. Ech fueren vill Vëlo an bedreiwen awer o gären aner Sportaarten an dat am leiwsten an der Natur. Ech sinn o eng laang Zäit geridden, wat mir vill Wäertschätzung beibruet huet. 

Nohaltegkeet an Agrikultur sinn en weideren Interesse Punkt, nodeem ech mäin Liewen am Kader des méiglechen riichten.  Hei geet et menger Meenung drems, der Natur oder dem Planéit eppes erëm ze ginn, vir dat wat mir vun him huelen.

Outreach Youth Work

Am „Outreach Youth Work“ geet et drems Jugendlecher zwëschen 16 an 25 Joer déi sech op Schoulescher- oder op Professioneller Basis an enger Ontätegkeet befannen, ze beroden, ze motivéieren, ze begleeden an ze encouragéieren vir zu Tätegkeet iwwer ze goen.

Weider Informatiounen iwwert mech an den Outreach Youth Work fann dir op menger Facebook Säit „Patrick Outreacher“.